Compentency Based Training and Assessment (CBTA) for farleg gods

Luftfartstilsynet vil med dette presisere ovanfor innehavarar av norsk AOC, SPO-deklarasjon, NCC-operatørar samt NCO-operasjonar med SPA.DG-godkjenning, at kravet til CBTA-trening for farleg gods vart introdusert i ICAO Technical Instructions (Doc 9284) 1.1.2021. 

Dette jf. ICAO TI 1;4.1 og BSL D 1-1 (forordning (EU) nr. 965/2012 som gjennomført i forskrift 7. august 2013 nr. 956 om luftfartsoperasjoner) ORO.GEN.005, ORO.GEN.110(j)+(k), SPO.GEN.150, NCC.GEN.150 samt NCO.GEN.140.

Kravet gjeld med andre ord for alle som er omfatta av ORO.GEN.005 samt operatørar under BSL A 8-1 §5 (jf. §§ 6 og 7).

Frå og med 1.1.2026 skal treningsprogram for farleg gods være i tråd med CBTA-modellen, og implementering være igangsett. Samsvar med krav vil kontrollerast ved neste påfølgjande tilsynsaktivitet. Det vert samstundes gjort merksam på at alle treningsprogram for farleg gods skal godkjennast av Luftfartstilsynet.

CBTA skal omfatte følgande element:

1. Analyse av treningsbehovet
2. Gruppering av personale etter treningsbehov t.d. administrasjon:

• Pilot
• Kabin
• Ground handling
• Eventuelt fleire om dette er naudsynt

3. Trening, praktisk så vel som teoretisk (denne delen kan utføras av tredjepart, då basert på operatørens treningsprogram)
4. Evaluering av kandidat etter KSA-modellen (trening og evaluering dokumentert jf. ICAO TI 1;4.4):

• Knowledge – kunnskap, forståing av oppgåva
• Skill – evne til å gjennomføre oppgåva personen er satt til
• Attitude – gode haldningar
  
  

Ved endring av arbeidsoppgåver må treningsbehov gjennomgåast. Vidare skal heile programmet kontinuerleg gjennomgåast for å sørge for kontinuerleg relevans.

For ytterlegare rettleiing kan me vise til følgande dokument:

ICAO doc 10147 Guidance on a Competency-based Approach to Dangerous Goods Training and Assessment

IATA Dangerous Goods Training Guidance – Competency-based Training and Assessment Approach (pdf)

Luftfartstilsynet forklarer

Trening innan farleg gods vil i store trekk ikkje forandrast mykje, men nokon element i prosessen er nye. Den nye modellen set krav til at verksemda må analysere dei forskjellige funksjonar og deira behov for trening. Vidare må det utarbeidast treningsprogram som er tilpassa dei forskjellige grupperingane, og denne treninga må igjen tilpassast om tilsette får nye arbeidsoppgåver.

Det er til og med opning for at treninga kan utførast av tredje part, men denne må då være basert på verksemda sitt treningsprogram (denne kan igjen utarbeidast av tredje part).

Det som skil CBTA frå tidlegare opplæring er i hovudsak kravet til evaluering. Verksemda skal som ein del av opplæringa, vurdere etter KSA-modellen om kandidaten har tilstrekkeleg kunnskap og evne til å utføre oppgåva dei er sette til på ein trygg og forsvarleg måte. Vidare skal det evaluerast om kandidaten har dei rette haldingane, som til dømes opp mot rapportering og sikkerheitskultur for å kunne utføre oppgåva på ein god måte og på denne måten fremja trygg luftfart óg under transport av farleg gods. 

CBTA er med andre ord ikkje store endringa frå dagens standard, men likevel ein god reiskap for å sikre seg at trening ikkje vert ein «tick-box excercise» og såleis auke sikkerheita gjennom auka kunnskap og bevisstgjering rundt farleg gods.

Me vil til sist gjere merksam på at både Part-OPS samt ICAO TI stiller krav til at det skal utviklast og vedlikehaldast eit treningsprogram for farleg gods. Eit treningsprogram skal med andre ord ikkje være statisk, det vil leve med endringar i organisasjon, operasjon og regelverk og måtte tilpassast ved kvart vegskilje.